فرصة جديدة أقدمها لك في شهر الخير .
بذلت جهد عظيم عشانك وعشان أساعدك في تحقيق هدفك رغم خذلان جهازي لي أكثر من مرة وإعادتي للموضوع
مرتين وثلاث وعشر لأن اللاب توب قرر يكون لئيم . لكن | أنا واثقة أن كل مرة يخرب وأعيد الشغل رغم تعبي عليه
لأن الله يبيني أحتسب الأجر وأصبر وعشان أطلع بفكرة أجمل وأحسن .
رمضان |
فرصة ثمينة وعظيمة لتخليص النفس من الحسد والغيبة والنميمة وتخليص الجسد من سموم الأكل الضار والسكريات
والمقليات وفرصة عظيمة للتقرب لله . ماهو للأكل حتى التخمة والإنهيار وكأن الشخص عايش بمجاعة .
هو فرصة لمحاسبة النفس و الشعور بعظيم نعيم الرحمن علينا , فاستغلوه أحسن استغلال .
عنوان التحدي |
تردد هالشي وتقول | رمضاني هالسنة كان غيررر
شهر وبعدها العيد لمة الأهل وإجتماع المقربين ومنها يبدأ معرفة إهتمام كل وحدة بصحتها وجسمها وفكرها قبل كل شي ,
وكل وحدة تتمنى أكيد تطلع بمظهر رائع وجسم مرتب وصحة جيدة فالهدف من هالتحدي هو إعادة ترتيب نفسك وأولوياتك
لأني واثقة تمام الثقة لو ألتزمتي راح تكون النتائج رائعة ومرضية لكن أنك تسوفين وتستهبلين وماتلتزمين
| هالشي يرجع لك ياكسولة
وكل وحدة تتمنى أكيد تطلع بمظهر رائع وجسم مرتب وصحة جيدة فالهدف من هالتحدي هو إعادة ترتيب نفسك وأولوياتك
لأني واثقة تمام الثقة لو ألتزمتي راح تكون النتائج رائعة ومرضية لكن أنك تسوفين وتستهبلين وماتلتزمين
| هالشي يرجع لك ياكسولة
مين يشمل التحدي |
الجميع بلا استثناء , النحيفة والسمينة والمبتدئة وكل وحدة عندها هدف وتبي فقط موضوع يرتب لها الخطوات
رمضان فرصتنا الثمينة لنتقرب من الله أكثر بالعبادة والطاعة , مسكينة اللي ينتهي الشهر وهي بس مضيعة
وقتها على مسلسلات وجوال وسناب , رمضان ينتهي وهالأشياء كلها تنعاد مليون مره بعده مايسوى تروح منك ساعات
عظيمة اسأتي استغلالها خلي رمضان هذا فرصة جديد لللروحانية والطاعة .
الجدول الأول هو جدول تتابعين فيه نفسك وكم نصاب تلاوتك لليوم .
و الجدول الثاني لعدد الصفحات والختمات أختاري كم حابة تختمين من مرة وأمشي على عدد الصفحات .
والأخير من الأدعية المعروفة لختم القران و لاتنسوني من الدعوات وقت ختمكم ..
ولأن أطفالنا هم البذرة اللي نسقيها للغد واجب علي أهتم فيهم وأسوي لهم جدول بعد يستاهلون
شجعي طفلك وعززيه مو شرط يصوم كل اليوم لو كم ساعه كفاية الأهم يستشعر معنى الصيام وأهميته اللي تزرعينه فيه
وهو بالعمر الصغير ثقي أنه هو الثمرة الثابته والمستمر قطافها إلى يوم الدين بإذن الله , لا تقولين : صغير يكبر ويتعلم !
هالأمور يفترض تغرس فيه من الصغر حتى يكبر مستشعر عظمتها مو مجرد تأدية واجب .
أطبعيها لطفلك وكل يوم ينتهي منه خليه يحط ستيكر أو يلون المربع أو حتى يكتب كلام حلو لنفسه أو انتي تكتبينه له
وأوعديه بمكافأه بسيطة لكن قبلها | علميه ان مكافأته الكبيرة هي أن الله يعطيه أجر عظيم ويبني له بيت بالجنة .
الفواصل حجمها أكبر مجرد تطبعينها على ورق مقوى وتقصينها وتستخدمينها في الكتب أو المصحف مكان الصفحة
اللي توقفين عندها
قبل يدخل رمضان الله دائما تكتظ الأسواق والسوبرماركت بالناس من كل حدب وصوب وكأنهم فجأة أكتشفوا
أن ماعندهم أكل بالبيت .
الحقيقة أنا ضد اللي أشوفه تماما لأن رمضان بالنسبة لي مثل بقية الشهور نحتاج فيه اضافات بسيطة فقط مثل السمبوسة اللي
ماتتوفر عادة الا قبل رمضان , لكن دقيق زيت مكرونة سكر رز ..... هذي كلها من أكلاتنا المعتادة واليومية تقريبا !
فماعرف ليش مبالغة الناس وتعبئة السلات بالعشرات من علب الزيت و السكر وكأنهم بينقطعون من السوق أشوف ان هذي
مبالغة وإسراف مع أحترامي .
أنا مو ضد التسوق أكيد حلو الواحد يرتب أموره قبل دخول الشهر الكريم لكن ضد المبالغة وأخذ كميات تكفي لشهور
وكأنا بندخل في مجاعة لا قدر الله .
الحكمة من الصيام تهذيب النفس وتقليل الأكل وإراحة الجسم مو العكس لأن اللي نشوفه غير من يأذن المغرب وكأن الواحد
بينتقم ليش أنه صام مايخلي شي على السفرة الا وكله لي يصاب بالتخمة والشبع المذموم مخالف بهالشي السبب الحقيقي
وراء الصيام .
,
في جانب التسوق أنا راح أقدم لك نصايح ثمينة فادتني كثثير وقللت من إسرافي وساعدتني على أخذ ما أحتاجه فقط
+ سلة تسوق صحية خذي منها اللي تحتاجينه فقط واشتريه
أن ماعندهم أكل بالبيت .
الحقيقة أنا ضد اللي أشوفه تماما لأن رمضان بالنسبة لي مثل بقية الشهور نحتاج فيه اضافات بسيطة فقط مثل السمبوسة اللي
ماتتوفر عادة الا قبل رمضان , لكن دقيق زيت مكرونة سكر رز ..... هذي كلها من أكلاتنا المعتادة واليومية تقريبا !
فماعرف ليش مبالغة الناس وتعبئة السلات بالعشرات من علب الزيت و السكر وكأنهم بينقطعون من السوق أشوف ان هذي
مبالغة وإسراف مع أحترامي .
أنا مو ضد التسوق أكيد حلو الواحد يرتب أموره قبل دخول الشهر الكريم لكن ضد المبالغة وأخذ كميات تكفي لشهور
وكأنا بندخل في مجاعة لا قدر الله .
الحكمة من الصيام تهذيب النفس وتقليل الأكل وإراحة الجسم مو العكس لأن اللي نشوفه غير من يأذن المغرب وكأن الواحد
بينتقم ليش أنه صام مايخلي شي على السفرة الا وكله لي يصاب بالتخمة والشبع المذموم مخالف بهالشي السبب الحقيقي
وراء الصيام .
,
في جانب التسوق أنا راح أقدم لك نصايح ثمينة فادتني كثثير وقللت من إسرافي وساعدتني على أخذ ما أحتاجه فقط
+ سلة تسوق صحية خذي منها اللي تحتاجينه فقط واشتريه
مافيه إنجاز بدون شجاعه وعقل صافي إيجابي .
أغلب اللي مايشوفون نتائج رغم تعبهم على نفسهم هم فئة السلبين محطمين الذات وقاهرين نفسهم
ويعلقون على أجسامهم بأبشع التعليقات وماعندهم أي إيمان أو ثقة بأنهم راح يتغيرون .
طبعا هالفئة ظالمين نفسهم وعايشين حياتهم بسوداوية فأتمنى لو فيه وحدة حابة تبدأ التحدي منهم
تعاهد نفسها على أن اليوم هو بداية جديدة لها للأمل للتفاؤل لحب الذات والعطاء .
فيه فكرة حلوة حبيت أنفذها أنا وياكم برمضان تشجعنا وتحمسنا وهي 15 عبارة تطبعونها مرتين
وتقصصون كل عباره لحالها وتحطونهم لعلبة ونصير كل يوم نفتح عبارة ونعمل بها .
أو عناية اللي تحبين . وهدفي تغير الجو عليك وأنك تستمعين ويكون جدولك مرتب ويفتح النفس
كيف يكون رمضان مميز بدون جداول رياضية تساعدنا على تحقيق هدفنا ؟؟!
هالمرة الجدول للقوياااااااااااات واللي عندهم لياقة أما المبتدئات هالمرة مالهم جدول والسبب :
| كونك مبتدئة يعني أنتي أساسا ماسويتي ولا جدول من التحديات السابقة فارجعي لهم على هالروابط |
تحدي السعرات + تحدي قفزة التغير
خلفية أكبر ومعرفة راح يكون جدول حااافل لأنك مو بسيطة ولا مبتدئة أنتي قووووية .
التمارين صعبة مو سهلة والمدربين جدد عليكم وكلهم رجال يعني تمارين مختلفة يبي لها قلب من حديد :)
روابط التمرين |
جدول نزول الوزن للي يبحثون عن جسم رشيق ..
أحتاج منك همة وعزيمة وقوة إرادة حتى تقدرين توصلين لهدفك .
روابط التمرين |
سويت لكم جداول فاضية للي يحبون يتبعون جداولهم الخاصة مع جدول عناية :
عشان نشوف نتائج جيد لابد يكون فيه نظام جيد .
معرفتك لإحتياج جسمك من السعرات يختصر عليك مشوار طويل جدا سواء لزيادة وزنك أو نزوله
سويت لكم بوسات بأغلب سعرات أكلات رمضان منها تقدرين تسوين جدولك الخاص الغذائي
حسب السعرات المناسبة لك .
دايم أكرر عليكم أن رمضان فرصة للراحة يعني فرصة للأكل | النظيف و الصحي
راح أساعدك على تغير نظامك للأفضل حتى تكون معدتك مرتاحة .
أبيك تقرين وتستوعبين وتبدين التنفيذ حتى يكون تغيرك شامل وبنفسك بتشوفين الفرق بنهاية رمضان .
,
.
.
دائما استفسار يتكرر علي إيش نظامك برمضان ؟
مافي شي مميز أسويه غير أني أرتب وقتي قدر الإمكان وأخلي بين كل وجبة و الثانية ساعتين تقريبا أو
ساعه ونصف .
وهذا موضوع موجود بأنستقرامي لجدولي لكن ماعتقد كثير أطلعوا عليه :(
أكثر شي يسهل علي نظامي برمضان هو التجهيز المسبق ..
أنا إنسانة جدا حريصة على تجهيز أغلب الأشيا من فواكه مجمدة ومكسرات وهذا اللي يخليني برمضان مرتاحة الحمدالله .
وحاليا طلبت من أرض الطبيعه وايهيرب سناكات وزبدات صحية وبشاركم إياها ان شاء الله على السناب .
سوي حشوتك اللي تحبين وبعد ماتبرد حطيها في علب حافظة وسكريها بإحكام وعلى الفريزر تجلس لك فترة طويلة
بدون ماتخرب الأهم لاتسكرين عليها وهي حارة عشان ماترطب عليك وتخرب .
من التجهيزات اللي شاركتها البنات بالسناب |
.
معرفتك لإحتياج جسمك من السعرات يختصر عليك مشوار طويل جدا سواء لزيادة وزنك أو نزوله
سويت لكم بوسات بأغلب سعرات أكلات رمضان منها تقدرين تسوين جدولك الخاص الغذائي
حسب السعرات المناسبة لك .
راح أساعدك على تغير نظامك للأفضل حتى تكون معدتك مرتاحة .
أبيك تقرين وتستوعبين وتبدين التنفيذ حتى يكون تغيرك شامل وبنفسك بتشوفين الفرق بنهاية رمضان .
,
.
دائما استفسار يتكرر علي إيش نظامك برمضان ؟
مافي شي مميز أسويه غير أني أرتب وقتي قدر الإمكان وأخلي بين كل وجبة و الثانية ساعتين تقريبا أو
ساعه ونصف .
وهذا موضوع موجود بأنستقرامي لجدولي لكن ماعتقد كثير أطلعوا عليه :(
أكثر شي يسهل علي نظامي برمضان هو التجهيز المسبق ..
أنا إنسانة جدا حريصة على تجهيز أغلب الأشيا من فواكه مجمدة ومكسرات وهذا اللي يخليني برمضان مرتاحة الحمدالله .
وحاليا طلبت من أرض الطبيعه وايهيرب سناكات وزبدات صحية وبشاركم إياها ان شاء الله على السناب .
سوي حشوتك اللي تحبين وبعد ماتبرد حطيها في علب حافظة وسكريها بإحكام وعلى الفريزر تجلس لك فترة طويلة
بدون ماتخرب الأهم لاتسكرين عليها وهي حارة عشان ماترطب عليك وتخرب .
من التجهيزات اللي شاركتها البنات بالسناب |
.
انتهى الموضوع الحمدالله , كان في بالي ترتيبات أفضل بعد لكن الوقت م أسعفني لكن واثقة أن شاء الله
أن هالتحدي بيكون بداية قوية وإنطلاقة جديدة لكم , بالأخير هو جهد بشري يناله الخطأ
فإن اصبت من الله و إن اخطأت من نفسي و الشيطان .
لاتحرموني من دعواتكم الصادقة .
.
.
لا أحلل و لا أبيح سرقة الجداول أو استخدامها في قروبات بدون الرجوع لي
0 التعليقات:
إرسال تعليق