مساء | صباح الخير
هالموضوع ممكن يطول شوي فاللي عليك سوي لك | قهوة وخذي لك سناك . وأقري على مهلك وبرواقة بهالموضوع لخصت لك كل شي عن الرياضة خصوصا لك كمبتدئة لأني أعرف مافيه أصعب من البدايات يكون الشخص فيها ضايع – وهالكلام عن تجربة
البداية :
قبل تنوين في أنك تسوين رياضة أو حتى بأ دوات الرياضة وانك بحاجتها ، فكري بشي أعمق وأهم من الادوات| الإرادة والثقة بالنفس | ولاتقارنين جسمك ابدا بأي جسم ثاني وحاولي دائما انك تجربين وتحاولين وتبحثين وتتعلمين لحد ماتوصلين للأفضل لك ولجسمك .
قبل تقررين تبدين رياضة فكري :
- ليش اسوي رياضة ؟
- ايش هدفي ؟ هل دونته وقررت أوصل له ؟
- مين حابة ارضي ؟ ( نفسي او الاخرين (
- هل أنتِ راضية عن جسمك أو حابة تعدلين فيه عشان يكون أجمل .
قبل تقررين تبدين رياضة فكري :
- ليش اسوي رياضة ؟
- ايش هدفي ؟ هل دونته وقررت أوصل له ؟
- مين حابة ارضي ؟ ( نفسي او الاخرين (
- هل أنتِ راضية عن جسمك أو حابة تعدلين فيه عشان يكون أجمل .
لو كنتي تسوين الرياضة عشان | تسكتين الناس او بغير قناعة وحبّ او عشان فلانه سوتها وشافت نتيجة أو قبل مناسبتك بفترة عشان تتغيرين بسرعة فأحب اقولك انك تضيعين وقتك على الفاضي ، فأول نصيحة أقدمها لك:( تصالحي مع الرياضة وحبيها حتى تشوفين نتائج حلوة (..
الرياضة :
* عالم أخر تعطيك جسم متناسق ورياضي ومرن و لياقة عالية
* تعطيك قوة وصفاء ذهن وتحسن كثير من مستوى نشاطك
* حتى تقدرين تفرغين طاقتك السلبية فيها يعني بالمختصر | تعدل لك مزاجك |
بدأت بهالحكي حتى اجنبك خسارة مبالغ مالية على الادوات الرياضية وخسارة وقت اذا كنتي غير مقتنعة فيها وغير نابعه من حبّ لأن مع الأسف كثير بنات يرسلون لي دائما أنهم شروا الأدوات من شهور وللحين هي مركونة
لأنهم مو عارفين كيف يبدون أو يبدون مايستمرون ويتكاسلون وهالشي كله يرجع لسببين :
1- أنك إنسانة غير جادة لأن الجاد يبحث ويقرأ ويتثقف ويتعلم
2- أن ماعندك عزيمة ولا قناعة بالشي اللي جالسة تسوينه وهذا محد يحله غيرك .
كيف أبدأ رياضة :
1- حددي هدفك : | بناء عضل + تنزيل دهون + شد الجسم|
2- حددي أيام تمرينك : | يومين + ثلاثة + أربعة + خمسة |
3-حددي مدة تمرينك :| 15 د + 20 د + 30 د + ساعة |
4- أقري عن أنواع التمارين حتى يكون عندك خلفية | أطلعي على هالموضوع للإستفادة |
أول شي لازم تعرفينه قبل تسوين أي تمرين هو الإحماء :
خلونا نتعرف على الإحماء :
تمارين الإحماء تسخن لك عضلاتك قبل تبدين تمرينك الأساسي حتى مايجيك شد قوي . فمهم تطبقونها قبل تسون أي تمرين
تمارين الإحماء تسخن لك عضلاتك قبل تبدين تمرينك الأساسي حتى مايجيك شد قوي . فمهم تطبقونها قبل تسون أي تمرين
طبعا كونك مبتدئة فماراح تحتاجين في الإحماء الا لوقت قصير من ( 3 - 5 ) دقائق
رابط للتمرين :
قبل تبدين بالتمرين الأساسي سوي هذا التمرين مدته دقيقة لتحمية عضلاتك
ماتحتاجين أثقال خذي علب الماء وأستخدميها مثل ماهي ماسكة بيدينها وبعد لو تبين تسوين فالبداية بدون أثقال عادي الأمر يرجع لك وتذكري أنك مازلتي بالبداية فخذي الأمر على مهلك قد ماتقدرين .
بعد ماتنتهين من التمرين سوي إطالة :
بعد ماتنتهين منه لو تحبين تمشين عشر دقايق خير وبركة وهالشي لصالحك ولرفع لياقتك أكثر .
رابط للتمرين :
قبل تبدين بالتمرين الأساسي سوي هذا التمرين مدته دقيقة لتحمية عضلاتك
التمرين الأساسي لرفع اللياقة :
بعد ماتسوين الإحماء يجي دور التمرين الأساسي اللي بيرفع لك لياقتك ويفضل تستمرين عليه من أسبوعين لشهر أو
لحد ماتحسين أن لياقتك أرتفعت | أول أسبوع سوي مع البنت لأنها تسوي التمرين بحركات أسهل وبعدها أبدي سوي مثل الرجال حتى تطورين مستواك |
رابط للتمرين :
ماتحتاجين أثقال خذي علب الماء وأستخدميها مثل ماهي ماسكة بيدينها وبعد لو تبين تسوين فالبداية بدون أثقال عادي الأمر يرجع لك وتذكري أنك مازلتي بالبداية فخذي الأمر على مهلك قد ماتقدرين .
الإطالة : ما تقل اهميتها عن تمارين الاحماء لأنها مهمة ايضا في خفض نبضات القلب لك بالتدريج وتمنع الشد العضلي المؤلم في العضلات | يعني باختصار تلين لك عضلات جسمك | جدا مهم لاتستهينون فيه لأنكم بعد التمرين بتكونون مرهقين وتلهثون بشكل خرافي فهالنوع من التمرين يساعد قلبك ينتظم ويرجع نفسك لوضعه الطبيعي وتمدد لك عضلاتك .
رابط للتمرين :
بعد ماتنتهين منه لو تحبين تمشين عشر دقايق خير وبركة وهالشي لصالحك ولرفع لياقتك أكثر .
هالتمارين راح تسوينها أربع أو خمس أيام بالأسبوع وتاخذين بريك يومين غير متقاربه مثل السبت و الثلاثاء مثال :
( يوم تمرين + يوم تمرين + يوم راحة + يوم تمرين + يوم تمرين +يوم راحة ..) وهكذا
عاد أنتو والأيام اللي تناسبكم ومع أكلك الصحي وتغذيتك السليمة ونومك الجيد بتكون بداية رائعة لتغيرك للأفضل بإذن الله .
عاد أنتو والأيام اللي تناسبكم ومع أكلك الصحي وتغذيتك السليمة ونومك الجيد بتكون بداية رائعة لتغيرك للأفضل بإذن الله .
بعد ماتنتهين من هالتمرين وتحسين أن لياقتك أرتفعت خلاص تقدرين بعدها تبدين أي جدول من الموجودة بالمدونة .
.
.
.
أخطاء وقعت فيها في بدايتي بالرياضة :
1- ماكنت ألبس شوز رياضي وصارت رجولي تعورني | فأحرصي على الحذاء الجيد
2- ماكنت أشرب ماء حتى لو جف ريقي معتقدة أنه خطأ وكنت أتعب كثير من هالحركة وهذا كله بسبة بعض حساابات الرياضة اللي يتفلسفون فيما لايفقهون مع الأسف | مهم جدا الماء قبل وبعد وأثناء الرياضة لكن وأنتي تسوين تمارينك خذي رشفات لاتكثرين حتى ماتمتلي معدتك .
3-قلة الترطيب | مهم تحرصون على الترطيب لأن وقت التغير الجسم ممكن تطلع لك تشققات
4- عدم التركيز كنت أنشغل بجوالي وكل شوي أوقف أكلم أحد وهذا أكبر خطأ | الرياضة تحتاج تركيز مو سوالف
5- كنت أعتقد الكارديو والمقاومة نفس الشي يبنون عضل | فيه فرق كبير بينهم المقاومة هي اللي تبني العضل فاحرصوا على القراءة حتى تتثقفون
6-البرا – السنتيان – الرياضي مهمة حاولوا توفرونها أو على الأقل مشد لأن العادية ماتأدي الغرض وغير كذا لو فيه تمرين فيه قفز بيعورك صدرك وممكن يترهل بعد | أحرصي عليها في الكارديو والجزء العلوي
7- الأكل بشكل غير كافي | مهم الأكل لأنه هو اللي راح يساعدك على بناء العضل
8- النوم المخربط والقليل | قلة النوم تخرب كل شغلك لان العضلات تحتاج راحة عشان تعيد بناء نفسها وقلة النوم يجهد العقل والجسم
أنتهى الموضوع أتمنى أكون ساعدتكم لو بالقليل ..
واللي نوت تبدأ بجد تكتب لي بالكومنتات ..
أنتهى الموضوع أتمنى أكون ساعدتكم لو بالقليل ..
واللي نوت تبدأ بجد تكتب لي بالكومنتات ..
0 التعليقات:
إرسال تعليق