مساء| صباح الخير
جدا متحمسة وأنا أكتب لكم هالموضوع اللي أخذ مني وقت مش هين أبد بالترتيب له والإستعداد واللي أتمنى أنه يساعد لو البعض منكم في أنهم يبدأون بداية جدية وحقيقية
قفزة التغير :
ماحبيت يكون التحدي بلا هوية أو أسم ونفس الوقت حبيت أن الأسم اللي أختاره يكون مميز ومناسب للهدف اللي أسعى له فكان هالعنوان بنظري هو الأفضل | الهمتني صورة القفز اللي حطيتها لوقو للتحدي |
التحدي موجه لمين :
التحدي لأي وحدة حابة فعلا تتغير وتبي نظام مرتب يساعدها في بدايتها , أجتهدت حتى أقدر أفيد كل الفئات ونظمت التحدي بشكل سلس وهين وبدون صعوبة حتى أكون مفتاح تغيرك من الكسل للنشاط .
الغاية من مدة التحدي :
كثير بنات مايستمرون الا فترة قليلة ويخافون من فكرة الإستمرار لشهر ويملون بنص المشوار فكان هذا أول أسباب إختياري لهالمدة |
1- هالـ 14 يوم أعتبروها مثل التدريب اللي يهيئك لنظام جيد تقدرين تستمرين عليه طوال حياتك
2- هالـ 14 يوم بتدخلك في تجارب جديدة ونظام جديد عليك وأثق أن بمجرد انتهاء التحدي بتحسين بتغير جذري
3- هالـ 14 يوم أحتاج منك همة واجتهاد ومابي أي كسل المدة قليلة فلا تخلين الكسل يغلبك
4- هالـ 14 يوم إذا ماقدرتي تستمرين عليهم فهذا يعني أن الخلل فيك أنتِ ومالك نية أساسا تتغيرين
القفزة الأولى : 
هالقفزة هي المفتاح الرئيسي لتغيرك ,
لازم نتصالح مع ذاتنا و نعرف كيف نبدأ ونحط لنا أهداف وخطط مرسومة
ماراح تنجحين بأي شي بالدنيا إذا أنتي مافهمتي نفسك من الداخل وهالشي هو اللي خلاني أسوي لكم هالجدول حتى تكونون صريحين مع نفسكم وماتبدأون معي الا وأنتو |مستوعبين وفاهمين إيش اللي راح تسونه خلال هالفترة| .
مستحيل تتغيرين إذا ماسعيتي والتغير الخارجي مرتبط تماما بالداخلي .
يعني إيش فايدة جسمي يتغير وعقلي وسلوكي الغلط موجودين , أحنا نحتاج التغير الداخلي أكثر من أي شي ثاني فأبدا لا تستهينون بهالجدول .
أي سلوك سلبي عندك :
فرغيه طلعيه أكتبيه على الوراق عشان تقدر نفسك تتخلص منه . أحنا مانقدر نتخطى مشاكلنا إذا ماعترفنا فيها .
’
القفزة السادسة :
فرغيه طلعيه أكتبيه على الوراق عشان تقدر نفسك تتخلص منه . أحنا مانقدر نتخطى مشاكلنا إذا ماعترفنا فيها .
القفزة الثانية : 
هالقفزة تحتاجونها كثير خصوصا الفوضويات اللي مايعرفون ينظمون وقتهم ,
مهم جدا عشان نقدر نستمر نرتب أمورنا ونعرف إيش لنا وش علينا ,
ومجرد نكتب أيش عندنا اليوم راح يمر يومنا سهل وممتع وننجز فيه بدون ماتتراكم أشغالنا .
يهمني من هالتحدي تتعودون على التنظيم والترتيب أبيه يكون تحدي مختلف يشمل جميع جوانب حياتكم من الألف للياء
دونوا إيش راح تاكلون اليوم من غداء وعشاء وسناكات و أكتبوا الاشياء اللي تحتاجونها للتسوق وإيش عندكم من واجبات مدرسية أو جامعية . وحتى شغل البيت أهتموا فيه وبأخر اليوم قيموا نفسكم ومدى رضاكم عن اللي سويتوه .
| أستخدموا القلم الرصاص حتى تقدرون تستخدمون الجدول فترة طويلة |
القفزة الثالثة :
أهم قفزة و أعظمها لصفاء الروح والنفس
أغلب اللي مايبدأون من الأساس لأنهم دائما محبطين ويائسين وقانطين ومؤمنين أنهم ماراح يشوفون نتيجة من أي شي يسونه ودائما يحسون أنهم أقل حظ من الأخرين وهالشي ممكن يكون بسبب بعدهم عن الله وقل إيمانهم بما رزقهم الله .
فالتحدي مايهمني فقط أغير جسمك :
يهمني قبل هذا كله أغير روحك واصفيها وأقربك أكثر من الراحة النفسية
مابي تمر 14 يوم مواظبة على الرياضة فقط أبيك قبل الرياضة تحرصين على |قراءة وجه من المصحف |عشان يعينك الله على اللي بديتي فيه وأحرصي على النوافل لو في فرض واحد .
القفزة الرابعة :
قفزة جديدة للكثير من | الكسولات |
وقفزة تحدي للكثير من | الرياضيات |
وقفزة أمل للكثير من | المبتدئات |
الرياضة بحر وعالم كبير ومتنوع وماله نهاية وكثير يحاولون يبدون لكن مايعرفون أو تنقصهم الهمة والعزيمة
في هالتحدي أنتِ بأيدي أمينة لأني مدلعتكم ومجهزة لكم التمارين بروابطها .
أول جدول بيكون جدول المبتدئات :
’
ثاني جدول للي عندهم لياقة :
ثالث جدول للي حابين ينزلون وزن :
القفزة الخامسة :
هالقفزة بعد مهمة جدا لأن رياضة بأكل سيئ يعني نتيجة مو كويسة أبدا ×
فيه كلام جمميل جدا قرئته يقول :
|عندما تقرر أن تكون صحي ورشيق الأمر لا يتعلق بذهابك للنادي بل يرتبط بما تقوم به في المطبخ |
كثير يسون تمارين بطن يبون الكرشة تروح وماتروح والسبب بكل بساطة ( أكلها كله دهون وسكريات )
كثير يسون تمارين تكبير العضلة لكن مايشوفون أي نتيجة والسبب ( التغذية سيئة جدا)
أكلك هو أساس كل شي أساس صحتك وصفاء ذهنك وشفاءك بإذن الله من أغلب الأمراض لأن :
| المعدة بيت الداء و الدواء |
سويت لكم هالجدول لمساعدتكم لو ماتعرفون إيش ممكن تشترون وقت التسوق لأن | عربتك هي تحدد مدى إلتزامك
الموجود مايعني أنه ضروري تشترينهم كلهم لا هي مجرد إقتراحات مني وإجتهاد اللي تحبينه جيبيه وأشطبي عليه من القائمة .
غايتي الأولى والأخيرة :
1- مساعدتك على ضبط نفسك تجاه الأكلات الضارة
2- إعطاءك فرصة التغير على مهل وبدون استعجال
مقترحات للي حابين يزيدون وزنهم |
ضروري سعراتك كنحيفة ماتقل عن 1500 وتتدرج للأعلى أقل من كذا يعني تقليل وزن مش زيادة .
هذي مقترحات للوجبات عالية السعرات فصلتها لكم بوضوح عشان تعرفون كل شي وكم سعرة فيه .
السموذي كل مابغيتوا سعراته تكون أعلى أضيفوا فاكهه أو مكسرات له | اختياري مش إجباري |
لكن :
مهم جدا جدا في هالأسبوعين تحاولين تاكلين كويس مافيه أي نتيجة بتشوفينها لو أكلك سيء وبعدها تجيني تتحلطمين أنك ماشفتي نتيجة | راقبي نفسك وأكلك وبعدها بتعرفين وين الخلل |
الموجود بالصورة لو حسيتي بأخر اليوم أنك ماأكلتي كويس ممكن تسوين هالسموذي أو أي شي موجود منهم عشان يعطيك سعرات عالية | ممكن الطعم يكون غير مقبول بالبداية لكن اعتبريه علاج واشربيه |
السموذي اللي يحتوي على شوفان ممكن تعبترونه وجبة بعد الرياضة لانه يحتوي على كل العناصر .
اللي موموجود عندكم من المكونات عادي تقدرون تستبدلونه باللي عندكم لاتصعبونها .
مقترحات للي حابين ينزلون وزنهم |
كونك حابة تنزلين وزنك مهم سعراتك ماتقل عن ( 1200) سعرة أي نظام أقل من كذا يعني :
1- صداع وتوتر وعصبية
2- تساقط الشعر بقوة
3- شحوب البشرة
3- الكسل والخمول
إحتياج الشخص الطبيعي 1200 حتى يقدر يكمل يومه ويستوفي إحتياجه لكن أقل منه يعني تعب ودمار لصحتكم فأبتعدوا عن أصحاب الرجيمات اللي يحرمونكم ويعذبون جسمكم , والقاعدة اللي أتبعوها دائما :
1- معرفة أحتياج جسمك من السعرات
2- تقسيم وجباتك لـ | ثلاث وجبات رئيسية + وجبة خفيفة |
3- صغري الصحن واللقمة يعني بدال ماتاكلين في صحن كبير كلي بصحن صغير
4- كلي للإكتفاء مو للشبع والتخمة يعني مجرد تحسين أكتفيتي وقفي مايحتاج تاكلين لي ينقطع زرار البلوزة K
5- قللي أكل المطاعم لأن السعرات فيه عاااالية جدا
6- مارسي الرياضة وساعدي جسمك على التخلص من الدهون الزايدة
الموجود بالصورة أمثلة على سناكات تقدرون تاخذونها وأنتو مطمئنين لأنها محسوبة السعرات وصحية يحتاجها الجسم
و أقتنعي مستحيل يزيد وزنك من مجرد بطاطسة أكلتيها أو حبة موزة اللي يزيده | الأكل الكثير فوق حاجتك
كثير يحتارون إيش ياكلون قبل أو بعد الرياضة | وأكيد ماراح أخليكم محتارين جمعت لكم الأكلات المناسبة
وضروري ضروري تكون الوجبة متنوعة وتحتوي على :
1- كاربوهيدرات لأنه أهم شي لوصول البروتين للعضلات مثل | البطاطس و الشوفان و الأرز والمكرونة و السليق
2- البروتين مهم لبناء الأنسجة العضلية مثل | الفول والعدس و البيض والدجاج والأسماك والجبن
3- الدهون الصحية مهمة ويحتاجها الجسم مثل | زيت الزيتون و المكسرات و الأفوكادو وبذور الشيا والكتان
لتحميل جميع الجداول للطباعة | أضغطي هنا
أخيرا :
الموضوع جهد شخصي ما أبي منكم الا الدعوات ,
ياخذون التحديات وينسبونها لنفسهم !!
والبعض يسون فيها قروبات يتكسبون من وراها أنا تعبت
واجتهدت حتى أفيد الجميع بدون مقابل
مو عشان تستغل مواضيعي .
و أكيد اسمح بنشرها وتبادلها مع وجود المصدر .
أن خطأت فمن نفسي و الشيطان وإن اصبت من الله.
أن خطأت فمن نفسي و الشيطان وإن اصبت من الله.
0 التعليقات:
إرسال تعليق