تحدي جديد لكن | مختلف ومميز 💙
تعودتوا على تحديات الرياضة و التغذية لكن حبيت هالمرة نطلع بشي جديد نثري فيه
عقولنا النيرة . ( لن يخدع شخصا يقرأ )
أزعل كثير إذا كتبت مواضيع مهمة وجيدة واختصرتها قدر الامكان حتى أفيد الكثير و أكتشف
أن البعض منكم | اتكاليات | لا واتكاليات بمرتبة الشرف مع الأسف يضيعون وقتي سواء على سناب أو
دايركت أنستقرام أو حتى الايميل ( اللي وضع فقط للاشتراكات وليس لحل المشاكل ) بحجة مافهمنا والغرض
عشان أجاوبهم على كل شي يبونه وأختصر عليهم البحث ولا يتعبون نفسهم . | وطبعا أعرف مين اللي فعلا
أشكل عليها موضوع وماستوعبته وتحتاجني , ومين اللي تستغبي علي لاقرت ولا سوت شي وتقول مافهمت |
وش راح يضرك لو قريتي ؟
لو فهمتي واستوعبتي المكتوب ؟
لو زدتي عقلك شوية علم ومعرفة ؟
لو ساعدتي نفسك حتى تقدرين توصلين هدفك ؟
وأكتشفت بعد أن أمة إقرأ - ترفض أن تقرأ - لدرجة البعض منهم اذا قلت لها كل شي موجود بالحساب تقول بكل بجاحة :
أنتي جربتي وفهمتي أكتبي لي بالخاص وأختصري علي !
هالنوعية مع الأسف خربوا على اللي فعلا يحتاجون مساعدتي لأن كثرة الرسائل منهم صارت ترهقني وتتجمع المحادثات
بدون م ألحق على فتحها كلها .
فمن هالمنطلق أطلقت هالتحدي
أبي أكون عون لك , مساعدة في جعلك شخص قاريء ومميز حتى محد يتفلسف عليكم فيما لا يفقه
وحتى تقدرين توصلين لأهدافك وتحققينها لازم تتعلمين القراءة بحب واستيعاب .
.
.
.
كل شي رائع حققته بحياتي ماكان خلاصة دراسة فقط لا كان خلاصة قراءة وحرف استمعت له بقلبي وعقلي
اللي تعلمته من الرياضة والتغذية لاني ( اقرأ) و لا أتكل على أحد و أبيكم تكونون أفضل مني .
ايش هي القراءة بالنسبة لي ؟
لخصت لكم في هالبوست بعض مما تعنيه لي القراءة ولو حصلت لي الفرصة كتبت لكم مجلدات .
أستغربت لما كتبت عن التحدي فالسناب وكثير دخلوا علي كتبوا مين اللي يقرا كتب ورقية الحين ؟
هالكتب الورقية اللي مستهينين فيها لو كانت ظاهرة أندثرت كان ماشفنا العالم في معرض الكتاب ياخذون
معاهم شناط سفر عشان بس يعبونها كتب ويغذون عقولهم .
هالكتب الورقية لو كانت بلا قيمة ما شفنا المكتبات فاتحة ولا شفنا جرير للأن أكبر اقسامها قسم الكتب .
.
الكتب عالم ثاني قوة عظيمة تستمدينها من الحروف اللي بين الأسطر
الكتب مفتاحك لثقافة فكرك وسمو روحك .
.
اللي كتبوا لي عن موضوع أن الكتب طويلة ومحد يقرأ الان هم الأشخاص اللي أثرت عليهم مواقع التواصل وهذي
حقيقة ودراسات خرجت مؤخرا عن مدى تأثير مواقع التواصل على الناس وكيف أن الحروف المحدودة بتويتر وانستقرام
عودت الناس على حب الاختصار و الملل من أي محتوى طويل فصاروا يبون حتى المعلومة جاهزة مايتعبون عليها
| وهم الفئة اللي يتعبوني في حسابي مع الأسف |
,
يقول الكاتب ياسر الغسلان |قراءة ما ينشر في مواقع التواصل يفيدك لمتابعة ما يحدث من
حولك ولكنه لا يثري إدراكك ولا ينمي معرفتك.
حولك ولكنه لا يثري إدراكك ولا ينمي معرفتك.
عوّد نفسك على قراءة الكتب ورقية او الكترونية، فهي حصيلة
جهد فكري وعصارة تجارب وخبرات.
حاول ان تتحرر بين الحين والآخر من ثقافة "التيك اواي".
جهد فكري وعصارة تجارب وخبرات.
حاول ان تتحرر بين الحين والآخر من ثقافة "التيك اواي".
لخصت لكم في هالبوست بعض مما تعنيه لي القراءة ولو حصلت لي الفرصة كتبت لكم مجلدات .
سنة كاملة ..
أيوه سنة فيها 12 شهر و50 أسبوع و354 يوم
مدة كفيلة تطلعين منها بفكر جديد وعقل ممتليئ بالمعرفة و الثقافة
راح أحاول بإذن الله أخلص 100 كتاب بحلول شهر 11 من العام القادم و راح تكون الكتب منوعة وفي جميع
المجالات .
هالشهر راح احاول اقرأ 8 كتب بمعدل كتابين أسبوعيا وراح تكون متنوعة بين الروايات و التطوير و المذكرات الشخصية
وراح اشاركم كل فتره بعض الكتب اللي اقراها يعني راح يكون المووضوع فيه تحديثات كل فترة .
وراح اشاركم كل فتره بعض الكتب اللي اقراها يعني راح يكون المووضوع فيه تحديثات كل فترة .
أول كتاب | رواية لا تقولي إنك خائفة
هالرواية مدحتها لي بنت خالي وفالواقع أثق بذوقها بالقراءة القصة حقيقية وهذا اللي شجعني .
ثاني كتاب | نظرية الفستق ل فهد الأحمدي
الكتاب تنمية بشرية تقريبا وقرأت مدح عليه , شدني العنوان ( الفستق له سحره علي ) أتمنى مايكون الكتاب بسيط
أو يستهدف فئة عمرية معينة .
أكثر كتاب تحمست له , أحب الكتب الدينية البسيطة مثل هالكتاب قرأت مقتطفات منه على تويتر وجذبني
أحب الأسلوب الكتابي اللي يلامس الأغلبية صغير وكبير وواثقة بستمتع فيه .
أو يستهدف فئة عمرية معينة .
ثالث كتاب | لأنك الله ل علي الفيفي
أحب الأسلوب الكتابي اللي يلامس الأغلبية صغير وكبير وواثقة بستمتع فيه .
رابع كتاب |أنا لعباس العقاد
الكتاب بدأت فيه قبل رمضان لكن ما أسعفني الوقت أنهيه لأني كنت ببدايته وأنشغلت بالعبادة فالشهر الفضيل
حبيت أرجع أقراه على رواقة , يحكي قصة حياته
هالكاتب قرأت له رواية ( فتاة من ورق ) وأعجبتني ومن بعدها صرت أقرأ له وأحب كتاباته .
قد يكون فيها بعض التجاوزات إلا أن القاريء يعي مايقرأ
هالكتاب عن تطوير الذات و له تطبيق بالأب ستور بنفس الأسم ما أعرف بالضبط عن إيش لكن من حسابهم بتويتر
مكتوب أنه يساعدك على تحقيق أهدافك . | بحمله و أجربه بعد م أقرأ الكتاب | صراحة شريته لأن العنوان سحرني
و قرأت زبدة محتواه وحبيته ويارب يكون بجمال الفيل .
قرأت كم صفحة من هالكتاب وماحصلت لي فرصة أكمله من شهور جدا أنشغلت بالدوام وحساباتي وسرقني هالشي
عن القراءة بضمير لكن اللي أقدر أقوله | الكتاب بيعجب االاشخاص اللي يفكرون دائما كيف الكاتب قدر يألف
هالرواية ؟ | لأن هالكتاب جمع 20 مؤلف كل واحد كاتب عن الطقوس اللي تجيه في مرحلة التأليف .
جدا متحمسة أرجع أكمله .
كتاب لجبران خليل حجمه صغير وعدد أوراقه قليل حلو كبداية للي يخافون من قراءة كتب كبيرة .
أنا م أعيش بدون جداول :)
في بداياتي كانت هي سر استمراري لأني اتشجع كل مامر يوم وحطيت خط عليه وبأخر الشهر شفت أني
عديت كل الأيام كان هذا أكبر حافز لي .
أول جدول بيكون جدولك الخاص بكتبك يعني :
أي كتاب تقرينه أو تنوين قرائته دونيه في الجدول مع أسم الكاتب ودار النشر وملاحظاتك بعد ماتنتهين منه هل
هو جيد أو غير جيد .
أطبعي 5 نسخ فقط وبتكفيك ل 100 كتاب .
ثاني جدول بيكون ل ابداء رأيك بكتاب يعجبك يعني :
قرئتي كتاب وجدا أعجبك أو حتى ما أعجبك عبي الورقة بتقيمك الشخصي له وحطيها بأول صفحة بالكتاب ,
هالفكرة بتساعد أي شخص يستعير منك كتب بأنه يكون له خلفية عن رأي شخص أخر فيه غير أن هالحركة بتعودك
على النقد وابداء الرأي . وممكن تشاركيني فيها على تويتر
وأشاركم بعض التصميمات بعبارات عن القراءة أتمنى تعجبكم .
اللي يحبون التصاميم شاركوني تصاميم فيها اقتباساتكم سواء بتويتر أو السناب حتى أنزلها للبنات ونجمع لنا
صور متنوعة لاقتباسات كتب خاصة بتحدينا
كثير ماعندهم جرير أو العبيكان أو اي مكتبة تخدمهم في أنهم يشترون كتب .
لكن الحلو ان جرير صار عندهم تطبيق وجربت مرتين أشتري منه كتب وخلال يومين هي عندي .
يعني تتسوقين وأنتي منسدحة وتطلبين الكتب اللي تبين بعد والتوصيل لكل مناطق السعودية .
وفيه بعد برنامج نسيت أسمه تقدرين تحملين فيه كتب وتقرئين مجانا وبعضها بفلوس .
حسابي بتويتر راح أنزل فيه الاقتباسات اللي تعجبني , وأي شي يعجبكم ممكن تنزلونه
بالهاشتاق اللي راح أسويه على تويتر لهالتحدي .
أنا مش نشيطة على تويتر فحبيت هالتحدي يرجع لي شغفي به ويخليني أكثر تواجد
أنتهيت من الموضوع .
أتمنى تشاركوني فالتعليقات لو حبيتوا الفكرة ومين اللي راح تبدأ معي من بكره ؟
.
الموضوع اجتهاد شخصي وخاص بمدونتي و لا أحلل النقل بدون ذكر المصدر .
0 التعليقات:
إرسال تعليق