كلام في الحب

مساء | صباح الخير , كيف حالكم يا أصدقاء ؟  لي فترة مقلة جدا بالمواضيع بجميع حساباتي ( أنستقرام و سناب و المدونة ) لأني منشغلة بدوامي والحمدالله الخميس قدمت أخر ماعندي لأطفالي بالروضة وخف العبء وتفرغت ... لذلك سويت هالتحدي الرياضي الخفيف ولمدة قليلة ..  تحدي الكسل ..  كسلك أنتِ تسويفك اللي ممكن لك شهور وسنين وهو مسيطر عليك ومعطل  حياتك ومضيع وقتك في غير فائدة .. الأسم بالذات موجه للي دايم يقولون : ماعندنا وقت !! مالي خلق أسوي شهر كامل !! أنا كسولة أقل مدة أسويها لتحدي 😄 و أنا أتصفح قناة فنتس بلندر لفت أنتباهي هالتحدي ونزلته من زمان بمدونتي القديمة ورجعت اليوم أرتبه بشكل أفضل لكم .. الفترة كلها 7 أيام فقط .. و 5 منها أيام التمرين  يعني ماعتقد عندك حجة بعد تمنعك تتحدين نفسك 7 أيام فقط ؟ هدف بسيط جدا .. تتغلبين على كسلك وتبدين جهاد حقيقي مع نفسك بأنك تخصصين أسبوع للرياضة بدون تسويف .. ممكن بعد ماتجربين أسبوع زيادة النشاط والقوة تلاقين نفسك حبيتي الرياضة والتزمتي فيها .  وطبعا: أسبوع ماراح يقلبك جنيفر لوبيز , أسبوع هي البداية و الإنطلاقة  الكل بلا استثنا...